წესები და შეზღუდვები

ხელშეკრულების მიზანია სწორად წარიმართოს ამანათების განბაჟება/ტრანსპორტირება, განბაჟება/ტრანსპორტირებისათვის დროის რაციონალური გამოყენება და მომსახურების ეფექტურობის ამაღლება. წინამდებარე ხელშეკრულებით, შპს „ სილქ ფოსტ“-ის (ს/კ:405381091 ) (შემდგომში კომპანია) მიერ დადგენილი მოთხოვნების შესრულება სავალდებულოა ყველა მომხმარებლისთვის.

მუხლი 1. რეგისტრაცია 1.1 Silk Post-ის აპლიკაციაში რეგისტრაციისას მომხამრებელი ვალდებულია გაეცნოს კომპანიის წესებს და პირობებს. 1.2 რეგისტრაციისას მომხმარბელს ენიჭება უნიკალური კოდი რაც „ოთახის ნომრის“ სახელითაა ცნობილი. 1.3 რეგისტრაციისას მომხმარებელი ვალდებულია მიუთითოს სწორი მონაცემები. 1.4 მომხმარებლის სახელის და გვარის შეცვლა რეგისტრაციის შემდეგ შეუძლებელია. 1.5 რეგისტრაციის დროს მომხმარებლის მიერ მოწოდებული ინფორმაცია არის კონფიდენციალური, გარდა კანონის მიერ მოთხოვნის შემთხვევაში ინფორმაციის გასაჯაროებისა. 1.6 მომხამრებელმა რეგისტრაციის შემდეგ უნდა დაიცვას საკუთარი მონაცემების კონფიდენციალურობა და არ გადასცეს მესამე პირს. 1.7 აღნიშნული მომსახურების პირობები მოქმედებს ჩინეთიდან საქართველოში ტრანსპორტირებისთვის განკუთვნილი ამანათის მომხმარებლისთვის მიწოდებამდე. მუხლი 2. ხელშეკრულების საგანი 2.1 Silk Post- ი ახორციელებს ამანათების ტრანსპორტირებას ჩინეთის საწყობიდან საქართველოს გამცემ სერვის ცენტრამდე , (ამანათის მიღებამდე მომხმარებელი ვალდებულია გადაიხადოს ტრანსპორტირების საფასური). მუხლი 3. ნივთის ტრანსპორტირების პირობები Silk Post-ში 3.1 მომხმარებლის პირად ოთახში მითითებული ჩინეთის საწყობის მისამართზე მისული ამანათები რომელზეც მითითებულია მომხარებლის ოთახის ნომერი, გვარი, სახელი ითვლება ამ პირის საკუთრებად და სახმელეთო გზით იგზავნება საქართველოში. 3.2 კომპანია არ ამოწმებს ჩინეთის საწყობში მისული ამანათების შიგთავსს. 3.3 მომხმარებლის მოთხოვნით არ ხდება ამანათის შეყოვნება ჩინეთის საწყობში 3.4 მომხმარებელი ვალდებულია განახორციელოს გზავნილის/ამანათის დეკლარირება, ფორმულარის შევსებით ( ამანათის აღწერა, ფასი, რაოდენობა, გამომგზავნის დასახელება). ამანათები დეკლარაციის გარეშე დარჩება შესაბამის საწყობში, სანამ არ მოხდება მათი სრული დეკლარირება. ამანათის დაუდეკლარირებლობის შემთხვევაში მოხდება მისი გადაცემა სახელმწიფოს საკუთრებაში. მათი დეკლარირება უნდა მოხდეს რეისის ჩამოსვლამდე რომ არ შეიქმნას პრობლემა ამანათის საბაჟოდან გამოტანისას. ასევე საჭიროების შემთხვევაში მოგვაწოდოს პროდუქციის შესყიდვის ინვოისი. 3.5 დეკლარირების სისწორეზე სრულ პასუხისმგებლობას იღებს მომხმარებელი. 3.6 მომხმარებელი ვალდებულია გადაიხადოს ტრანსპორტირების ღირებულება, მიუხედავად იმისა გზავნილი წარმოადგენს თუ არა გამყიდველის/ გამომგზავნის შეცდომას, ან თუ მიმღებს აღარ სურს ნივთის მიღება. 3.7 ჩვენი კომპანიის გადაზიდვით ჩამოტანილ ამანათზე, მომხმარებლის მიერ უარის თქმის შემთხვევაში, კომპანია უფლებას იტოვებს არ გასცეს სხვა ჩამოსული ამანათები, ძველი დავალიანების დაფარვამდე. 3.8 თუ ტრანსპორტირებისას მაღალია ნივთის დაზიანების რისკი ან სჭირდება სპეციალური პირობები, ან შეიცავს სახიფათო ტვირთს, მაშინ მომხმარებელი ვალდებულია შეათანხმოს ტრანსპორტირების პირობები გადამზიდავთან. 3.9 ჩინეთის საწყობიდან ამანათები იგზავნება საიტზე მითითებული განრიგის მიხედვით, განრიგის ცვლილებასთან დაკავშირებით მომხმარებელს ინფორმაცია მიეწოდება კომპანიის ფეისბუქ გვერდის , სმს შეტყობინების და საიტზე განთავსებული საინფორმაციო შეტყობინების საშუალებით. 3.10 საწყობში მისული ამანათი უნდა იყოს სათანადოდ შეფუთული, მომხმარებლის მიერ უნდა იქნეს გათვალისწინებული ამანათის შიგთავსი და მასზე გარეგანი ზემოქმედების ფაქტორები( წონა,ტენიანობა, ტემპერატურა), საჭიროების შემთხვევაში ამანათი უნდა იყოს შეფუთული დამატებითი შეფუთვით. 3.11 ამანათის გატანისას ფილიალიდან მომხმარებელმა კომპანიის წარმომადგენელთან ერთად უნდა მიითვალოს რაოდენობა და გადაამოწმოს ამანათები. ფილიალიდან გატანილ ამანათზე, რომლის გახსნასაც არ ესწრებოდა კომპანიის წარმომადგენელი პრეტენზიები არ მიიღება. მუხლი 4. მხარეთა პასუხისმგებლობები. კომპანიის პასუხისმგებლობა: 4.1 კომპანია პასუხს არ აგებს იმ ნივთის დაზიანების გამო, რომელსაც არ ჰქონდა სათანადო შეფუთვა. 4.2 კომპანია არ გადაფუთავს ამანათებს მოცულობის შემცირების მიზნით. 4.3 კომპანია მომხმარებლის მოთხოვნის საფუძველზე არ ხსნის ამანათს რეისიდან, არ აყოვნებს საწყობში და არ იღებს ვალდებულებას უკან გამყიდველს დაუბრუნოს საწყობში მიტანილი ამანათი. 4.4 ისეთი ამანათების ტრანსპორტირება, რომლებიც საჭიროებენ ტრანსპორტირების სპეციალურ პირობებს, მომხმარებელმა უნდა შეათანხმოს კომპანიასთან, ამ შეთანხმების არ არსებობის შემთხვევაში ნივთის ტრანპორტირებისას წარმოშობილი ზიანის გამო კომპანია პასუხს არ აგებს. 4.5 განზრახ ან უხეში გაურთხილებლობით მიყენებული ზიანისთვის რაც გამოწვეულია ნივთის დაკარგვით ან დაზიანებით კომპანია იღებს პასუხისმგებლობას (მტკიცებულების არსებობისას). 4.6 ბრალის დადგენის შემთვევაში, შემსრულებელი უნაზღაურებს ზიანს, თანხა განისაზღვრება შესყიდვის დოკუმენტში მითითებული ღირებულებით, შემსრულებლის ბრალის დაუდგენლობის შემთხვევაში, მომხმარებელი ვალდებულია გადაიხადოს ამანათის ტრანსპორტირბა. 4.7 ნივთები რომლის ტრანსპორტირებაც აკრძალულია კომპანიის მიერ ან განეკუთვნება სახიფათო ნივთების კატეგორიას, შეიძლება გადმოიტვირთოს და განადგურდეს კომპანიის მიერ ზარალის აუნაზღაურებლად. ასეთი ნივთების ტრანსპორტირებისას გამოწვეული ზიანისთვის პასუხისმგებელია მომხმარებლი. ასევე კომპანია არ იღებს პასუხისმგებლობას ასეთი ტვირთების გამყიდველთან დაბრუნებაზე, ან საბაჟოს მხრიდან მათ ჩამორთმევაზე. ხოლო ასეთი ნივთების ტრანსპორტირებისას კომპანისთვის მიყენებული ზიანის ანაზღაურების გარდა, კომპანია მომხმარებელს დააკისრებს ჯარიმას. 4.8 იმ შემთხვევაში, თუ საბაჟო სამსახური ან ფინანსთა სამინისტრო დააკისრებს საჯარიმო სანქციას კომპანიას იმის გამო, რომ მომხმარებელმა მომსახურების პირობები დაარღვია-პროდუქციის არასრული ან არაზუსტი დეკლარირება გააკეთა, აღნიშნული ჯარიმის გადახდა დაეკისრება მომხმარებელს. 4.9 კომპანია პასუხს არ აგებს ისეთ ამანათებზე, რომლებზეც არასწორი ინფორმაციაა დატანილი ან არასწორ მისამართზეა გაგზავნილი. 4.10 კომპანიის ჩინეთის საწყობში ამანათის მიტანა ჩაბარება უნდა დადასტურდეს Silk Post-ის ბეჭდით და ფოტოსურათზე აღბეჭდვით. 4.11 კომპანია არ აგებს პასუხს საბაჟო ორგანოების მიერ მიღებულ გადაწყვეტილებებზე, იქნება ეს განბაჟება, დაკავება, კონფისკაცია, დაყადღება და მომხმარებლის მიერ არასწორად დადეკლარირებული დოკუმენტების, ან განბაჟების საფასურის გადაუხდელობის გამო. 4.12 კომპანია პასუხს არ აგებს დაუძლეველი ძალით გამოწვეული ზიანის შემთხვევაში. 4.13 კომპანია პასუხს არ აგებს არასწორად გამოგზავნილ ამანათზე( სხვა ფერი, სხვა ზომა და ა.შ) 4.14 კომპანია პასუხს არ აგებს რეისების დაგვიანებაზე რაც გამოწვეული შეიძლება იყოს ბუნებრივი მოვლენების ან დღესასწაულების გადატვირთულობის გამო. მომხმარებლის პასუხისმგებლობა: 4.15 მომხმარებელი ვალდებულია დროულად მიაწოდოს კომპანიას ტვირთის შესახებ ინფორმაცია, ასევე სათანადო დოკუმენტაცია რაც საჭიროა ტვირთის ტრანსპორტირებისთვის. 4.16 მომხმარებელმა ამანათის ყველა დეტალი და პარამეტრები ნივთის შეძენამდე უნდა დააზუსტოს მომწოდებელთან. 4.17 ამანათის მიღებისას მომხმარებელმა ოპერატორის თანდასწრებით უნდა შეამოწმოს ამანათის შეფუთვა და გარეგანი დაზიანების შემთხვევაში შეატყობინოს პასუხისმგებელ პირს, რომ მოხდეს ამანათის ანაზღაურების განხილვა, ოფისიდან გასვლის შემდეგ მომხმარებლის პრეტენზიები არ მიიღება. 4.18 მომხმარებლი პასუხისმგებელია მის მიერ კომპანიისთვის მიწოდებული ინფორმაციის სისწორეზე. 4.19 მომხმარებელი ვალდებულია ტრანსპორტირების საფასური გადაიხადოს 30 დღის ვადაში. წინააღმდეგ შემთხვევაში კომპანია იტოვებს უფლებას ამანათი განკარგოს მისი შეხედულებისამებრ. თუმცა აღნიშნული არ გაანთავისუფლებს მომხმარებელს კომპანიის წინაშე დავალიანებისაგან. 4.20 მომხამრებლის მიერ ამანათზე უარის თქმის და სახელწიფოთვის გადაცემის მიუხედავად მომხმარებელი არ თავისუფლდება კომპანიის წინაშე დავალიანებისაგან. მუხლი 5. ტრანსპორტირების ღირებულება, გზავნილის/ამანათის წონის დამრგვალება და შემცირება. 5.1 ტრანსპორტირების ღირებულება გამოითვლება გზავნილის საერთო წონის მიხედვით, მისი რეალური და მოცულობითი წონის გათვალისწინებით. ა) ამანათის თანხა ითვლება როგორც რეალური წონით ასევე მოცულობით. ბ) რეალური წონით დათვლილი 1კგ ამანათის ფასი არის 5.90$. (როდესაც ამანათის მოცულობა ნაკლებია(50cm/50cm/50cm) 0.125 კუბზე მაშინ ტრანსპორტირების თანხა ანგარიშდება წონით). ბ) როდესაც ამანათის მოცულობა (50cm/50cm/50cm) 0.125 კუბს აღემატება და მოცულობა მეტია რეალურ წონაზე ტრანსპორტირება ანგარიშდება მოცულობით. მოცულობით დათვლილი 1 კუბი ამანათის ფასი (სახმელეთო) არის 1000$. დ) გზავნილის/ამანათის დეტალები (კუბი/მოცულბა) დგინდება პროდუქტის საწყობში მიღებისას ჩინეთში, რადგან პირველ რიგში უნდა დაზუსტდეს ფაქტიური/რეალური მონაცემი და შემდგომ განხორციელდეს ინვოისის კალკულაცია. 5.2 საქართველოში, კომპანიის სერვის ცენტრში გაგზავნილი ამანათების .შენახვა ხდება 60 დღის განმავლობაში, თუ არ მოხდება 60 დღის ვადაში გზავნილის მიღება მომხმარებლის მიერ, კომპანია იტოვებს უფლებას განკარგოს ამანათი თავისი შეხედულებისამებრ. 5.3 ტრანსპორტირების ღირებულების გადახდა ხორციელდება ადგილზე ფილიალებში ტერმინალიდან, ან საიტზე ბალანსის შევსებით. (ნაღდი ფულით ანგარიშსწორება აკრძალულია). 5.4 ტრანსპორტირების ვადა ამანათების შემთხვევაში არის 20-25 დღე ამანათის ჩინეთის საწყობიდან გამოსვლის და საქართველოს საზღვარზე შემოსვლის გათვალისწინებით. მუხლი 6. დეკლარირება / გადაფუთვა / განბაჟება: თითოეული გზავნილი, რომელიც შემოდის საქართველოს ტერიტორიაზე, რეგისტრირდება შემოსავლების სამსახურის ვე.გვერდზე www.rs.ge გადის საბაჟო დათვალიერებას/პროცედურებს. 6.1 საქართველოს საბაჟო კანონმდებლობის მიხედვით საფოსტო გზავნილი ექვემდებარება სავალდებულო საბაჟო დეკლარირებას, თუ გზავნილი/გზავნილების შიგთავსის ღირებულება ერთ რეისზე არის 300 ლარი და მეტი; 6.2 წონა არის 30 კილოგრამი და მეტი; 6.3 განკუთვნილია ეკონომიკური საქმიანობისთვის. 6.4 თუ თქვენს მიერ ერთი საიტიდან გამოწერილი ამანათები მოხვდება ერთ რეისზე და მათი ჯამური ღირებულება 300 ლარზე მეტია, ასევე დაექვემდებარება განბაჟებას. 6.5 თუ თქვენს მიერ სხვადასხვა საიტიდან გამოწერილი ამანათები მოხვდება ერთ რეისზე და მათი ღირებულება 300 ლარზე მეტია, ამანათები არ დაექვემდებარება განბაჟებას. 6.6 გზავნილი/ამანათი, რომლის ღირებულება აღემატება 300 ლარს ან 30 კილოგრამს, საქართველოს კანონმდებლობის თანახმად ექვემდებარება განბაჟებას მინ 18% სრული ღირებულების!!! 6.7 საქართველოს კანონმდებლობით ბაჟის გადახდა ხორციელდება დეკლარაციის მიღებიდან 30(ოცდაათი) კალენდარული დღის განმავლობაში ნებისმიერ ბანკში. თუმცა შემოსავლების სამსახურის საბაჟო დეპარტამენტის ახალი რეგულაციის მიხედვით, წითელ დერეფანში მოხვედრილი განსაბაჟებელი ამანათების გარკვეული რაოდენობა გაიცემა მხოლოდ დღგ-ს გადახდის ქვითრის წარდგენის შემდეგ. ამანათების აღნიშნულ ჯგუფში მოხვედრას განსაზღვრავს საბაჟო შემთხვევითი შერჩევის პრინციპით დეკლარაციის დაბეჭდვის დროს. 6.8 კომპანია იტოვებს უფლებას მოითხოვოს მიმღების სახელზე ჩინეთის საწყობში მიღებული ნივთის გადახდის დასტური, მომხმარებელი ვალდებულია მოკლე ვადებში წარადგინოს გადახდის დასტური, წინააღმდეგ შემთხვევაში, არ მოხდება ამანათის ტრანსპორტირება საქართველოში და მომხმარებელს დაეკისრება უკან გაგზავნის ხარჯი. 6.9 მომხმარებლის მხრიდან გასანბაჟებელი გზავნილის/ამანათის ინვოისის არ წარდგენის შემთხვევაში, ვადის ამოწურვის შემდეგ (30 დღე) ამანათი გადაეცემა სახელმწიფოს, საქართველოს კანონმდებლობის შესაბამისად. 6.10 განბაჟებული ამანათების ფილიალიდან გატანა შესაძლებელია უშუალოდ მომხმარებლის მიერ ან ხელთ არსებული მინდობილობის საფუძველზე. მუხლი 7. პროდუქციის საიმპორტო შეზღუდვები: 7.1 საქართველოს კანონმდებლობით აკრძალულია საფოსტო გზავნილით შემდეგი სახის ნივთების გამოგზავნა: . ა) რეალური ფული, მონეტები ან ბანკნოტები; ბ) საბანკო და საკრედიტო ბილეთები და სხვა ფასიანი ქაღალდები; გ) საკვები პროდუქცია( საჭმელი, საკვები დანამატები); დ)ფეთქებადი ან ადვილად აალებადი ნივთიერებები ან პროდუქცია (საღებავები და ალკოჰოლის შემცველი ნივთიერებები); ე) მიწა და ნერგები მიწით; ვ) პორნოგრაფიული სახის პროდუქცია; ზ) ფსიქოტროპიული ნივთიერებები; თ) წამლები( ყველა სახის მედიკამენტი); ი) მცენარეები (ცოცხალი მცენარეები და მათი თესლი); კ) ცოცხალი ცხოველები, ფიტულები, ძვლები, ბეწვი; ლ) ნებისმიერი სახის ნარკოტიკი, ნარკოტიკული ნივთიერებების შემცველი პროდუქცია ან მცენარეები ან მათი თესლი, ე.წ. ''ბიო'', არომატიზატორი; მ) მცენარეების თესლები; ნ) ცეცხლსასროლი და პნევმატური (airsoft) იარაღები და აქსესუარები; ო) საბეჭდი მასალა, ფილმები, ფოტო, LPs, კინემატოგრაფიული ფილმები, აუდიო და ვიდეოკასეტები, CD; პ) ოქრო და ვერცხლი, ძვირფასი ქვები, სამკაულები და სხვა ძვირფასი ნივთები; ჟ) ალკოჰოლური სასმელები; რ) თამბაქო და თამბაქოს სამრეწველო შემცვლელები; ს) ფარმაცევტული პროდუქცია; ტ) ანტიკვარული ნივთები; უ) დრონები; ფ) პარკები; ქ) ხსნარები და ქიმიური საშუალებები; 7.2 მომხმარებლის მიერ აკრძალული პროდუქციის გადაგზავნის შემთხვევაში, კომპანია პასუხს არ აგებს საქართველოში საქონლის მოწოდებაზე, ან საბაჟო სამსახურის მიერ გზავნილის დაყადაღებაზე. 7.3 თუ მომხმარებელი აკრძალულ პროდუქციას მაინც გადაგზავნის საწყობში, კომპანია იხსნის პასუხისმგებლობას უკან გადაუგზავნოს აკრძალული გზავნილი იურიდიულ ან ფიზიკურ პირს, რომელმაც გზავნილი გამოაგზავნა. ზემოხსენებული დარღვევის შემთხვევაში მომხმარებელს შეუწყდება მომსახურება და დაჯარიმდება. მუხლი 8. სხვა შეზღუდვები და პირობები!!! 8.1 კომპანია უფლებას იტოვებს გაასხვისოს ამანათი (მომხმარებელთან შეთანხმების გარეშე) რომელიც 2 (ორი) თვეზე მეტ ხანს დარჩება კომპანიის საწყობში. ეხება როგორც გადაუხდელ, ასევე გადახდილ ამანათებს. 8.2 კომპანია, ყველა მის მომხმარებელს, ავალდებულებს ანგარიშების დავალიანების დროულ გადახდას. წინაამღდეგ შემთხვევაში მომხმარებლის მონაცემები და დავალიანება გადაეცემა ჩინეთის ან/და საქართველოს შესაბამის სასამართლოებს. 8.3 მომხმარებლები ვალდებულნი არიან გაითვალისწინონ, რომ ერთ რეისზე არსებული ამანათების ტრანსპორტირების თანხის გადახდა ხდება ჯამურად და არა ცალ-ცალკე. შესაბამისად კომპანია იტოვებს უფლებას, რომ მომხმარებლის მხრიდან რომელიმე ამანათზე უარის თქმის შემთხვევაში, რეისზე არსებული ყველა ამანათი დარჩეს კომპანიის საკუთრებაში( დავალიანების სრულად დაფარვამდე) 8.4 კომპანია იტოვებს უფლებას, მომხმარებელს წინასწარ შემოატანინოს გზავნილის/ამანათის ტრანსპორტირების გადასახადის ნახევარი. ტრანსპორტირების დარჩენილი ნახევრის საფასურის გადახდა უნდა მოხდეს გზავნილის/ამანათის საქართველოში ჩამოსვლიდან 5 (ხუთ) დღეში. 8.5 კომპანია იღებს ვალდებულებას, გზავნილის/ამანათის საქართველოში ჩამოსვლის დღიდან 4 კვირაში, მომხმარებლის სახელზე მოახდინოს გადასახდელი თანხის მიხედვით სარჩელის აღძვრა სასამართლოში, რაც მომხმარებლის პირადი ქონების დაყადაღებას გამოიწვევს. 8.6 კომპანია ვალდებულებას იღებს მომხმარებელთან მხოლოდ იმ სერვისზე, რაც დაშვებულია საქართველოს კანონმდებლობით; 8.7 მომხმარებელი ეთანხმება, რომ გზავნილის/ამანათის მისაღებად წარმოდგენილი დოკუმენტი არის ნამდვილი და დოკუმენტების ნამდვილობაზე თავად აგებს პასუხს. 8.8 კომპანია იტოვებს უფლებას გამყიდველის მხრიდან დაფიქსირებული ნებისმიერი პრეტენზიის შემთხვევაში გადაამოწმოს მომხმარებლის შესყიდვის ნამდვილობა და არ გასცეს გზავნილი/ამანათი სათანადო დოკუმენტაციის წარდგენის გარეშე ! 8.9 ვინაიდან, გამყიდველთან ურთიერთობისას გამოიყენება ელ-ფოსტით გაგზავნილი წერილები, ჩატი ან/და სატელეფონო საუბრები და ამ ინფორმაციასთან წვდომა მესამე პირისთვის დაუშვებელია, ამიტომ აუცილებლობის შემთხვევაში კომპანია უფლებას იტოვებს გამოიყენოს ისინი დანიშნულებისამებრ. 8.10 გზავნილის/ამანათის მაქსიმალური მოცულობა, რისი გამოგზავნაც შესაძლებელია ჩინეთიდან, არ უნდა აჭარბებდეს 220/220/220 სმ-ს . ამ ზომებს გადაჭარბებული ამანათი ავტომატურად გაიგზავნება უკან. 8.11 მომხმარებლები ვალდებულნი არიან გაითვალისწინონ, რომ ამანათის გაცემის კოდი არის კონფიდენციალური და მასზე სრული პასუხისმგობლობა ეკისრება მათ. 8.12 მომხმარებლები ვალდებულნი არიან გაითვალისწინონ, რომ ჩინეთის საბაჟოზე არსებული წესების თანახმად ყველა ამანათს თან უნდა ერთვოდეს ინვოისი ხოლო ამანათს რომლის ღირებულებაც აჭარბებს 1000 აშშ დოლარს, აუცილებლად გამოგზავნისას თან უნდა ერთვოდეს საექსპორტო დოკუმენტი. ამ დოკუმენტის არ არსებობის შემთხვევაში ტვირთი ვერ დატოვებს ჩინეთის ტერიტორიას. 8.13 საიტზე რეგისტრაციის გავლამდე მომხმარებელი ვალდებულია გაეცნოს წესებს და პირობებს, რის შემდეგაც მომხმარებელი ადასტურებს რომ არის თანახმა მიიღოს სილქ ფოსტისგან სმს შეტყობინება: ამანათის საწყობში მისვლაზე, ამანათის სტატუსის ცვლილებაზე, დადეკლარირებაზე, ასევე კომპანიის საწყობის ან ოფისის ცვლილებაზე და სხვა ინფორმაციის შემცველი სმს-ის მიღებაზე საჭიროების შემთხვევაში. ა) მსხვრევად და მტვრევად ნივთებზე კომპანია იხსნის პასუხისმგებლობას. მსხვრევადი და მტვრევადი ნივთები უნდა შეიფუთოს ხეში. ბ) ნივთები რომელიც იქნება საწყობში მოსული სახელი, გვარის და ოთახის ნომრის გარეშე მოხვდება გაურკვეველ გზავნილებში და არ გამოიგზავნება საქართველოში. გ) ნივთები რომელთა ტრანსპორტირება აკრძალულია არ გამოიგზავნება. იმ შემთხვევაში თუ ამანათის ინვოისი არ მოგვაწოდა მომხმარებელმა დროულად (ხუთ სამუშაო დღეში) და ამანათი გადაეცა სახელმწიფოს კომპანია იხსნის ყველანაირ პასუხისმგებლობას. დ) ამანათის თანხა ითვლება როგორც რეალური წონით ასევე მოცულობით. როდესაც ამანათის მოცულობა აღემატება (50cm/50cm/50cm) 0.125 კუბს და მოცულობა მეტია რეალურ წონაზე ანგარიშდება მოცულობით. 1 კუბი ამანათის ფასი (სახმელეთო) არის 1000$ სახმელეთო ფორმულა: X სიგრძე. Y სიგანე. Z სიმაღლე. (მ) X*Y*Z = T T*1000= M. M = მოცულობით ფასს. ამანათის არასწორი მონაცემების შემთხვევაში ინვოისის დაკორეკტირება მოხდება საქართველოში. ე) კომპანია სილქ პოსტი იხსნის პასუხისმგებლობას იმ აკრძალულ ამანათებზე რომელთა ჩამორთმევაც მოხდება აეროპორტში ან საზღვარზე საკონტროლო პუნქტებზე. ვ) კომერციული მიზნით ჩამოტანილ საქონელზე დეკლარაციის ღირებულება შეადგენს 5$(აშშ. დოლარს). საერთაშორისო გზავნილის/ამანათის უკან გაბრუნება არ ხდება, საქართველოდან ამანათების ტრანსპორტირებას ჩინეთის მიმართულებით არ ვანხორციელებთ. ტვირთის ტრანსპორტირებასთან დაკავშირებით აუცილებელია მოგვწეროთ ელ ფოსტაზე. 1 კუბის ტრანსპორტირების ღირებულება არის 270$. ტვირთების სატრანზიტო ვადა არის 20-25 დღე.